चितवनमा थप एक कोरोना संक्रमितको मृत्यु

चितवन । कोरोना भाइरस कोभिड-१९ को संक्रमणबाट चितवनमा थप एकजनाको मृत्यु भएको छ ।

भरतपुर अस्पतालमा उपचाररत भरतपुर महानगरपालिका(१ का ९२ वर्षीय वृद्धको कोरोना संक्रमणबाट मृत्यु भएको हो ।

अस्पतालका सूचना अधिकारी लीलाधर पौडेलले ती वृद्धको बुधबार मृत्यु भएको जानकारी दिए । उनमा दुई दिनअघि मात्र कोरोना संक्रमण पुष्टि भएको थियो ।

लामो समयदेखि दम तथा उच्च रक्तचापको समस्या रहेको उनमा पछिल्लो समय खोकी र श्वासप्रश्वास देखिएपछि मंगलबार बेलुका ७ बजे अस्पताल भर्ना गराइएको थियो ।

उनको कोभिड आइसियुमा उपचारका क्रममा मृत्यु भएको अस्पतालले जनाएको छ ।