ताप्लेजुङ । ताप्लेजुङको मेरिङदेन गाउँपालिका–३ स्थित दोभान बजारमा भीषण आगलागी भएको छ। बाक्लो बस्तीमा लागेको आगलागीमा परी प्रारम्भिक विवरणअनुसार करिब १० वटा घर जलेका छन्।
करिब ५० घरधुरी रहेको दोभान बजारमा लागेको आगो नियन्त्रणका लागि स्थानीय प्रहरीसँगै सशस्त्र प्रहरी बल नेपाल नम्बर १ कञ्चनजंघा गुल्मबाट सुरक्षाकर्मी परिचालन गरिएको छ।
आगलागी नियन्त्रणका लागि नेपाली सेनाका दुई वटा दमकलसमेत घटनास्थलमा पुगेका छन्। सुरक्षाकर्मी, नेपाली सेना तथा स्थानीयवासीको सहयोगमा आगो नियन्त्रणमा लिने प्रयास भइरहेको छ। आगलागीको कारण भने अहिलेसम्म खुल्न सकेको छैन।
बाक्लो बस्ती भएकाले आगो थप घरमा फैलिन नदिन सुरक्षाकर्मी तथा स्थानीयवासीले निरन्तर प्रयास गरिरहेका छन्।
प्रतिक्रिया