नेपालगन्ज। बिगत डेढ दशकदेखि ठेकेदार कम्पनिको चरम लापरवाहीका कारण अलपत्र पर्दै आएको नेपालको राष्ट्रिय गौरवको आयोजनामध्येको बाँकेको सिक्टा सिँचाइ आयोजनाका ३ ठेकेदार कम्पनीहरुलाई कारवाहीको प्रक्रिया अगाडी बढाईएको छ । बिभिन्न काम प्याकेजमा ठेक्का लिएर सम्झौताअनुसार कार्य सम्पादन नगर्ने कम्पनीलाई आयोजनाले कारवाही प्रक्रिया अगाडी बढाएको हो ।
।
डेढ दशकमा निर्माण प्रगति करिब ७० प्रतिशत मात्र पुगेको सो आयोजनामा बाँकी काम अगाडी बढाउन ठेकेदार कम्पनीले आलटाल गर्न थालेपछि आयोजनाले शनिबार सूचना जारी गर्दै ठेक्का लिएका कम्पनीका नाममा सार्वजानिक सुचना जारी गरेको छ । सुचनामा आफ्नो व्यवसायिक ख्याति र सामाजिक प्रतिष्ठाको ख्याल नै नराखी ठेकेदार कम्पनीले लापरवाही गरेको उल्लेख गरेको छ।
आयोजनाले सात दिने सुचना जारी गर्दे सम्पर्कमा आउन काठमाडौंका पप्पु कन्स्ट्रक्सन, बज्रगुरु कन्स्ट्रक्सन र वीरेन्द्रनगरको अमर(मजदुर जेभीलाई ताकेता गरेको छ ।
निर्माण कम्पनीहरूले सम्झौताको सर्तअनुसार काम नगरेको आयोजनाको सूचनामा जनाइएको छ। निर्धारित अवधिभित्र काम पूरा नगरे नेपाल सरकारको कारबाहीबाट हुने परिणामलाई ध्यानमा राख्न पनि कम्पनीहरूलाई चेतावनी दिईएको छ।
गत आर्थिक वर्ष २०७६र७७ मा पूरा गर्ने लक्ष्य रहेको आयोजना निर्माण कम्पनीहरूको ढिलासुस्तीकै कारण पूरा हुन नपाएको आरोप सरकारी अधिकारीहरूको छ।
४५।२५ किमि लामो पश्चिमी र ५३ किमिको पूर्वी नहरबाट बाँकेका ४२ हजार हेक्टर जमिनमा सिंचाइका लागि सो आयोजनाको निर्माण अघि बढाइएको थियो। अहिलेसम्म मूल नहरकै काम पूरा हुन सकेको छैन।
२५ अर्बको लागतमा २०६३ देखि निर्माणाधीन यो मुलुककै सबैभन्दा ठूलो सिँचाइ आयोजना हो।
प्रतिक्रिया