काठमाडौं । मंगलबार कोरोना भाइरसका २ हजार ७३६ जना नयाँ संक्रमित थपिएका छन् ।
स्वास्थ्य तथा जनसंख्या मन्त्रालयले मंगलरबार अपरान्ह अपडेट गरेको पछिल्लो तथ्यांक अनुसार २ हजार ७३६ जनामा संक्रमण पुष्टि भएको हो । यससँगै हालसम्म संक्रमित हुनेको संख्या १ लाख ९९ हजार ७६० पुगेको छ ।
मन्त्रालयका अनुसार मंगलबार निको हुनेको संख्या भने निकै कम छ । जम्मा ८५३ जना संक्रमणमुक्त भएको मन्त्रालयले जनाएको छ । अहिलेसम्म १ लाख ६० हजार ५७७ जना संक्रमण मुक्त भैसकेका छन् ।
पछिल्लो २४ घण्टामा २२ जना संक्रमितको मृत्यु भएको छ । जसमध्ये १० जना प्रदेश १ का मात्रै रहेका छन् । हालसम्म कोरोना संक्रमणबाट मृत्यु हुनेको संख्या १ हजार १४८ पुगेको छ ।
प्रतिक्रिया