काठमाडौं । संघीय संसदको प्रतिनिधिसभा विघटन गरेका प्रधानमन्त्री केपी शर्मा ओलीले आफु निकट नेताहरु र सांसदहरुसँग बालुवाटारमा बैठक गरेका छन् ।
बैठकमा नेकपाका अध्यक्ष समेत रहेका ओलीले पार्टीभित्रको अवस्था र संसद विघटन गर्नुपर्नाको कारणबारे आफु निकटहरुलाई ब्रिफिङ गरेका छन् ।
प्रधानमन्त्री ओलीको सिफारिसमा राष्ट्रपति विद्यादेवी भण्डारीले प्रतिनिधिसभाको विघटन गरेपछि सत्तारुढ नेकपा फुटको अवस्थामा पुगेको छ । राष्ट्रपतिले प्रतिनिधिसभाको नयाँ निर्वाचन आगामी बैशाख १७ र २७ गतेका लागि तोकेकी छिन् ।
बालुवाटारमा बसेको नेकपा स्थायी कमिटीको बैठकले (ओली पक्ष अनुपस्थित) ओलीलाई अनुशासनको कारवाही गर्ने प्रस्ताव केन्द्रीय कमिटीमा लैजाने प्रस्ताव पारित गरेको थियो ।
नेकपाको प्रचण्ड–नेपाल पक्षले आजै दिउँसो १ बजे संसदको लोत्से हलमा सांसदहरुको भेला आयोजना गरेको छ ।
प्रतिक्रिया