काठमाडौं । नेपाल कम्युनिष्ट पार्टी नेकपाको प्रचण्ड-माधव पक्षले संगठन विस्तारलाई सुदृढ बनाउँदै आन्दोलनलाई सशक्त बनाउने भएको छ ।
बिहीबारबाट सुरू भएको स्थायी कमिटी बैठकले काठमाडौं केन्द्रित आन्दोलनलाई थप सशक्त बनाउन जनपरिचालन गर्ने निर्णय पनि गरेको छ ।
नेकपाको कार्यालय पेरिसडाँडामा बसेको बैठकमा पार्टी संगठनलाई सुदृढ बनाउने र प्रतिगमन विरूद्धको आन्दोलनलाई सशक्त बनाउने निर्णय गरेको हो । बैठकले पार्टी एकीकरणका बाँकी कार्यभारलाई पनि छिट्टै पुरा गर्ने गरी योजना बनाउने भएको,छ ।
बैठकले काठमाडौं केन्द्रित आन्दोलनलाई थप सशक्त बनाउन जनपरिचालन गर्ने निर्णय पनि गरेको छ ।
बैठकमा आगामी आन्दोलन कसरी अघि बढाउने, संगठन ब्यबस्थापन, कार्यकर्ता भेला, निर्वाचन आयोग र सर्वोच्च अदालतमा भइरहेका कामको बारेमा छलफल गर्ने एजेन्डा रहेको बैठकपछि अध्यक्ष माधव नेपालले जानकारी दिए ।
अध्यक्ष नेपालले ओली पक्षले निर्वाचन आयोगलाई आफ्नो दावी सहित पत्र बुझाउनुको कुनै अर्थ नरहेको प्रतिक्रिया पनि दिएका छन् ।
बिहीबारको बैठकमा नेकपाका प्रदेश इन्चार्जहरुले आन्दोलनका विषयमा रिपोटिङ गरेका थिए । बैठक भोलि शुक्रबार बिहान ११ बजे पुनः बस्नेछ ।
प्रतिक्रिया