बाँकेमा थपिए २७० नयाँ संक्रमित, एक जनाको मृत्यु

नेपालगन्ज । बाँकेमा बुधवार राती अवेर सम्ममा फेरि २७० नयाँ कोरोना संक्रमित थपिएका छन् । बुधबार भेरी अस्पतालमा भएको परीक्षणको रिपोर्ट बिहिबार बिहान सार्वजानिक भएसँगै बाँकेमा २७० नयाँ संक्रमित थपिएका हुन् ।

बुधबार साँझ नेपालगन्ज मेडिकल कलेजको ल्यावबाट ६६ जनामा कोरोना संक्रमण पुष्टि भएको थियो भने भेरी अस्पतालको ल्यावमा २०४ जनामा कोरोना संक्रमण पुष्टि भएको छ । मेडिकल कलेजमा १३४ जनाको स्वाव परीक्षण गर्दा ६६ जनामा र भेरी अस्पतालमा ३५० स्वाव परीक्षण गर्दा २०४ जनामा कोरोना पुष्टि भएको थियो ।

बाँकेमा आजै थप एक जना कोरोना संक्रमितको मृत्यु भएको छ । नेपालगंज उपमहानगरपालिका(१७ बाँके निवासी ८६ वर्षीया संक्रमित महिलाको नेपालगंज मेडिकल कलेज, कोहलपुरमा उपचारका क्रममा आज बिहान २ बजेर १५ मिनेटमा मृत्यु भएको बाँकेका कोरोना फोकल पर्सन तेज वलीले जानकारी दिएका छन् ।

आज मृत्यु भएसँगै बाँकेमा संक्रमणकै कारण मृत्यु हुनेको संख्या ६७ पुगेको छ ।