नेपालगन्ज । स्थानीय प्रशासनले लकडाउन घोषणा गरेको दोस्रो दिन पनि बाँकेमा कोरोना संक्रमण फैलने क्रमले रफ्तार नै समातेको छ । बाँकेका ३ वटा पीसीआर ल्यावबाट पछिल्लो २४ घण्टामा ४८७ जनामा कोरोना संक्रमण पुष्टि भएको रिपोर्ट प्राप्त भएको छ ।
प्राप्त जानकारी अनुसार भेरी अस्पतालको पीसीआर ल्यावमा २६९ वटा नमुना परीक्षण गर्दा २५० जनामा कोरोना संक्रमण पुष्टि भएको छ भने नेपालगन्ज मेडिकल कलेजको पहिलो लटको रिपोर्टमा १०३ नमुना परीक्षणमा ५२ जना र दोस्रोलटमा १८३ नमुनामा १०३ जनामा कोरोना पुष्टि भएको छ । त्यसैगरि बागेश्वरी डाईग्नोशिस केन्द्रमा ११० नमुनामा ७३ जनामा कोरोना संक्रमण पुष्टि भएको छ ।
बाँकेका ल्यनवहरुमा परिएको परीक्षणमा बर्दियाका ३७ जनामा पनि कोरोना संक्रमण पुष्टि भएको छ ।
बाँकेमा संक्रमित थपिने क्रम नरोकिएपछि जिल्लाका सबै अस्पतालहरु भरिएका छन् भने अस्पतालका आँगन र गल्लीमा समेत संक्रमितहरुको भिड देखिएको छ । घरमा सिकिस्त भएका संक्रमितलाई लिन एम्बुलेन्स नआईदिँदा सिकिस्त बिरामीहरु रिक्सामा अस्पताल पुग्न बाध्य देखिएका छन् ।
प्रतिक्रिया