काठमाडौं । कोरोना भाइरसको दोस्रो लहरले महामारीको रुप लिएपछि त्यसलाई ब्रेकडाउन गर्न काठमाडौं उपत्यकामा निषेधाज्ञा लगाउने तयारी गरिएको छ ।
सोमबार भएको काठमाडौं उपत्यकाका प्रमुख जिल्ला अधिकारीहरुको छलफलमा निषेधाज्ञा लगाउने विषयमा छलफल भएको छ । काठमाडौं, ललितपुर र भक्तपुरका प्रमुख जिल्ला अधिकारी (सीडीओहरु)बीच निषेधाज्ञासहित कुन कुन क्षेत्रमा सेवा रोक लगाउने विषयमा छलफल भएको छ । गृहमन्त्रालयसँग निषेधााज्ञाको मोडालिटी र समयबारे परामर्श लिएपछि यसको घोषणा हुने बताइएको छ ।
कोभिड १९ संकट व्यवस्थापन केन्द्र सीसीएमसीले निषेधाज्ञा लगाउने अधिकार सीडीओहरुलाई दिएको छ । सक्रिय संक्रमित १ हजार कटेमा उपत्यकामा जुनसुकै बेला पनि निषेधाज्ञा लगाउन सक्ने अधिकार उपत्यकाका सीडीओहरुले पाएका छन् । काठमाडौंमा सक्रिय संक्रमितको संख्या हजारभन्दा निकै बढी भैसकेको छ । यद्यपी, काठमाडौं उपत्यका संघीय राजधानी समेत भएका कारण गृहमन्त्रालयको परामर्शमा मात्रै निर्णय लिइने भएको हो ।
सार्वजनिक सवारी, रात्री व्यवसाय, होटल रेष्टुरेन्ट लगायतका दर्जन बढी क्षेत्रमा निषेधाज्ञा लाग्नसक्ने बताइएको छ ।
प्रतिक्रिया