नेपालगन्ज । बाँकेमा सबैभन्दा बढी नमुना परीक्षण हुने भेरी अस्पताल प्रयोगशालाको रिपोर्ट प्राप्त नभएको अवस्थामा समेत बाँकेमा ४५६ जनामा कोरोना संक्रमित थपिएका छन् । नेपालगन्ज मेडिकल कलेज, बागेश्वरी ल्याव र सिमानाकाको एन्टिजेन परीक्षबाट ४५६ जनामा संक्रमण पुष्टि भएको हो ।
डीसीसीएमसी बाँकेले दिएको जानकारी अनुसार नेपालगन्ज् मेडिकल कलेजको ल्यावमा २९९ नमुना परीक्षण गर्दा २१० जनामा संक्रमण पुष्टि भएको छ भने बागेश्वरी ल्यावमा ४२० नमुना परीक्षण गर्दा २४३ जनामा संक्रमण पुष्टि भएको छ । सिमानाका जमुनाहामा २७ जनाको नमुना परीक्षण गर्दा ३ जनामा रिपोर्ट पाजेटिभ आएको डीसीसीएमसीका कोरोना फोकलपर्शन तेज ओलीले बताए । भेरीको रिपोर्ट मंगलबार मात्र आउने ओलीले बताए । आज पुष्टि भएको संक्रमित मध्य बाँकेका २२९ जना र बाँकी अन्य जिल्लाका हुन् ।
बाँकेमा आज ३४५ जना कोरोना मुक्त भएर घर फर्केका छन् भने जिल्लामा १२ जना संक्रमितको मृत्यु भएको छ । मृत्यु हुने मध्य १० जना बाँकेका र २ जना बाँके जिल्ला बाहिरका हुन् ।
प्रतिक्रिया