काठमाडौं । नेकपा एमालेको नेपाल–खनाल पक्षले संसदमा अनुपस्थित हुने निर्णय गरेको छ ।
आफ्ना माग पुरा नभए सांसद पदबाटै राजीनामा दिने बताउँदै आएको यो समुहले प्रधानमन्त्रीले विश्वासको मत लिने समयमा संसदमा अनुपस्थित हुने निर्णय गरेको हो ।
केही बेर अघि सम्पन्न सांसदहरुको बैठकले संसदमा अनुपस्थित हुने निर्णय गरेको नेता भीम रावलले बताए । उनले भने, ‘हामीले प्रधानमन्त्री ओलीले विश्वासको मत लिन बोलाएको बैठकमा अनुपस्थित रहने निर्णय गरेका छौं ।’
राजीनामाको अप्रिय बाटोभन्दा अझै पनि बीचको बाटो खोजेर पार्टी एकता बचाउने उपाय निकाल्न सकिन्छ कि भन्ने राय सांसदहरुबाट आएपछि नेपाल खनाल पक्षले यस्तो निर्णय लिएको हो ।
यो पनि पढ्नुहोस : पार्टी एकताको प्रस्तावसहित मध्यरातमा ओलीलाई नेपालको ६ बुँदे पत्र
प्रतिक्रिया