एमाले मिलाउन बनेको कार्यदलको बैठक सिंहदरबारमा सुरु

काठमाडौं । चरम विवादका बीच एमाले विवाद मिलाउन बनेको कार्यदलको बैठक सिंहदरबारमा सुरु भएको छ । बुधबारका लागि तय भएको बैठक ओली पक्षका नेता एवं लुम्बिनी प्रदेशका मुख्यमन्त्री शंकर पोखरेल अनुपस्थित भएपछि स्थगित भएको थियो ।

विपक्षी गठबन्धनले राष्ट्रपतिको आह्वानअनुसार नयाँ सरकारमा दाबी प्रस्तुत गर्ने शीतल निवास पुगेलगत्तै पार्टी अध्यक्ष एवं प्रधानमन्त्री केपी ओली र वरिष्ठ नेता माधवकुमार नेपाल पक्षबाट सहभागी कार्यदलका सदस्यको बैठक सुरु गरेका छन् । कार्यदलको एक पक्ष ओगट्ने नेपाल पक्षीय नेता माधवकुमार नेपाल स्वयं वीपक्षी गठबन्धन सहित सितल निवास पुगेका बेला सिंहदरवारमा बैठक सुरु भएको हो । मंगलबार बसेको पहिलो बैठकले कार्यदलको कार्यबिधि, क्षेत्राधिकार तथा आचारसंहित बनाउने बिषयमा छलफल भएको थियो । मंगलबारको बैठकले तय गरेको बिषयहरुलाई टुंगो लगाउन बिहीबार बस्ने भनिएको बैठक नेपा शंकर पोखरेल अनुपस्थित भएका कारण स्थगित भएको थियो । यद्देपी पहिलो बैठकमा पनि ओली पक्षकै नेता बिष्णु पौडेल र पोखरेल अनुपसिथ्त रहेका थिए ।

प्रधानमन्त्री ओलीका तर्फबाट एमाले संसदीय दलका उपनेता सुवास नेम्वाङ, अर्थमन्त्री विष्णु पौडेल, परराष्ट्र मन्त्री प्रदीप ज्ञवाली, प्रधानमन्त्रीका प्रमुख राजनीतिक सल्लाहकार विष्णु रिमाल र लुम्बिनी प्रदेशका मुख्यमन्त्री शंकर पोखरेल भने माधव नेपालका तर्फबाट भीम रावल, घनश्याम भुसाल, रघुजी पन्त, गोकर्ण विष्ट र सुरेन्द्र पाण्डे छन् ।

गत बिहीबार चपली हाइटमा भएको छलफलमा अध्यक्ष ओली र नेपालबीच विवाद समाधानका लागि कार्यदल गठन गर्ने सहमति भएको थियो ।