काठमाडौं । काठमाडौं उपत्यकामा जेठ २० गतेसम्म निषेधाज्ञा थप गरिएको छ ।
काठमाडौं उपत्यकाभित्रका प्रमुख जिल्ला अधिकारीहरुको बैठकले जेठ २० गते मध्यरात १२ बजेसम्म निषेधाज्ञा लम्ब्याउने निर्णय गरेका हुन् ।
कोरोना महामारीको संक्रमण कम नभएका कारण थप बनाउँदै निषेधाज्ञा लम्ब्याउन सीडीओहरु सहमत भएका हुन् । निषेधाज्ञामा बिहान ९ सम्म मात्र तरकारी, फलफूल, दूध, मासु र ग्यास पसल खोल्न दिइने भएको छ ।
तर डिपार्टमेन्टल स्टोर र किराना पसल भने यसअवधीमा बन्द हुनेछ । यसअघि बिहान १० बजेसम्म तरकारी फलफूल, दूध, मासु लगायत किराना पसल र डिपार्टमेन्टल स्टोरलाई छुट दिइएको थियो ।
निषेधाज्ञाबारे विस्तृत जानकारी जिल्ला प्रशासन कार्यालयले विज्ञप्तिमाफर्त गराउनेछन् ।
स्वास्थ्यमन्त्री हृदयश त्रिपाठीले सोमबारमात्र संक्रमण नरोकिएको बताउँदै स्वास्थ्य संकटकाल लगाउन सकिने संकेत गरेका थिए ।
प्रतिक्रिया