पोखरा । कास्कीको मादी गाउँपालिकामा बिरामी बोकेको एम्बुलेन्स पहिरोले पुरिँदा एम्बुलुन्समा अस्पताल पुग्दै गरेका बिरामीको मृत्यु भएको छ । मादी गाउँपालिका–९ मुग्रीबेंसीबाट बिरामी लिएर थुम्सीकोटतर्फ जाँदै गरेको एम्बुलेन्सलाई पहिरोले पुरेको थियो । पहिरोले पुरिएर एम्बुलेन्समा सवार बिरामी ८३ वर्षीय गोमा अधिकारीको मृत्यु भएको छ । दुर्घटनामा एम्बुलेन्स चालक सुवास अधिकारी घाइते भएको प्रहरीले जनाएको छ ।
मध्यपहाडी लोकमार्ग अन्तर्गत बनिरहेको बाटो खहरे खोलामा एक्कासी लेदोसहितको बाढी आएर एम्बुलेन्स पुर्दा ८३ वर्षिया बृद्दाको मृत्यु भएको गण्डकी प्रदेश ट्राफिक प्रहरी कार्यालय पाखेराले जनाएको छ ।
घाइते अधिकारीलाई थप उपचारका लागि पोखरा ल्याइएको छ । पहिरोले एम्बुलेन्सलाई करिब सय मिटर तल बगाएको छ ।
प्रतिक्रिया