काठमाडौं । माओवादी जनयुद्धकालमा रुकुमको चुनवाङ बैठककै झल्को दिने गरी एमालेको जारी केन्द्रीय कमिटी बैठकमा एमाले उपाध्यक्ष वाममदेव गौतमले केपी ओलीमा समाहित भएको घोषणा गरे ।
वामदेवले अब आफु ओलीसँग आईसकेको जनाउ दिंदै फेरि अन्त नफर्कने घोषणा पनि गरे । माओवादीको चुनवाङ बैठकमा पनि यतिबेला ओलीमा समाहित भएका रामबहादुर थापाले आँखा भरी आँसु बनाउँदै आफु प्रचण्डमा समाहित भएको घोषणा गरेका थिए । चुनवाङ र बालुवाटारमा फरक यति मात्र देखियो थापाले आत्मालोचना गर्दै आफुले अबदेखि गल्ती नगर्ने कसम खाएका थिए, तर बालुवाटारमा वामदेवले आत्मालोचना त गरेनन् नै ओलीलाई पार्टीमा माधव नेपाल र प्रचण्डलाई पनि समाहित गर्न सुझाव दिए ।
लगातार ओली प्रवत्तिको विरोध जनाईरहेका गौतम आज बालुवाटार पुगेर ओलीमा सहमाहित भएको घोषणा गरिरहँदा ओलीले अन्य नेताहरुलाई गरेको अपमान, पार्टीमा ओली र माधव पक्षको बारबरी हैसियत र एकता टुट्दा हुन सक्ने क्षतिका बारेमा पनि आंकलन गरे ।
बैठकमा आफ्ना विचार राख्दै नेता गौतमले मुख्य नेतालाई अपमान गरेर एकता हुन नसक्ने समेत बताए । ‘मुख्य नेतालाई सम्मानजनक व्यवहार गरिएन भने तलको पंक्ति भड्किन्छ। मुख्य नेतालाई अपमान गरेर एकता हुँदैन,’ गौतमले बैठकमा भने ।
उनले नवौ महाधिवेशनमा निर्वाचित हुँदा बनेको कमिटीको अवस्थाको स्मरण गर्दै भने ‘हिजो केन्द्रीय कमिटीको निर्वाचन हुँदा माधव कमरेडका जम्मा ९ जना कम थिए, अहिले पनि अवस्था उस्तै छ। एमाले आधा आधा विभाजित छ । ’
आफूले अहिलेसम्म मित्रघात नगरेको दाबी गर्दै नेता गौतमले आफू ओलीकै पक्षमा रहेको दाबी पनि गरे।
अहिलेसम्म लगातार ओलीको आलोचना गर्दै आएका गौतमले पहिलो पटक माधव नेपाल पक्षको आलोचना पनि गरे । केहि दिनअघि पार्टी विभाजनको अवस्था आए नेपाल पक्षको पार्टीमा रहने घोषणा गरेको गौतमले आज भने एकाएक ओलीको पक्ष नछाड्ने र ओलीलाई मित्रघात नगर्ने कसम खाँदै थिए ।
उनले नेपाल पक्षको आलोचना गर्दै भने, ‘म भएको भए पार्टीबाट राजीनामा दिएर मात्रै देउवाका पक्षमा हस्ताक्षर गर्ने थिएँ। ’
चुनवाङमा प्रचण्डमा विलय भएका रामबहादुर चुनवाङ पछि पटक पटक प्रचण्डलाई धोका दिएर बाहिर बाहिर बरालिए । बालुवाटारमा समाहित भएका बामदेवले ओलीपथमा सधैं चप्किरहन्छन् वा उनी पनि रामबहादुर जस्तै बरालिन्छन् त्यो भने हेर्न बाँकी छ ।
प्रतिक्रिया