काठमाडौं । लगातार २ दिन सम्म बिना निष्कर्श टुँङ्गिएको नेकपा एमालेको विवाद मिलाउ गठित कार्यदलको बैठक आज भने सकारात्मक छलफल भएको भन्दै भोली सम्मका लागि स्थगित भएको छ । एमाले भित्र देखिएको विवाद समाधानका लागि कार्यदलको बैठक सकारात्मक ढंगले अघि बढेको बैठकमा सहभागी एक नेताले बताए ।
पार्टी भित्र देखिएको विवाद समाधानका लागि दोस्रो तहका नेताहरु लगातार तीदिन देखि सिंहदरबारमा छलफलमा जुटेका छन् । यद्देपी ती नेताहरुले कार्यदल निश्क्रिय हुँदा पनि होटल समिटमा अनौपचारी बैठकलाई जारी राखेको थिए ।
मंगलबार बसेको कार्यदल बैठकले पार्टी एकीकरणको सन्देश दिन प्रधानमन्त्री केपी ओली र वरिष्ठ नेता माधव नेपालको संयुक्त बक्तब्यको मस्यौदा तयार पार्ने सहमती गरेको थियो ।
वरिष्ठ नेता माधवकुमार नेपाल पक्षले ०७५ जेठ २ अघिको अवस्थामा पार्टीलाई फर्काउनुपर्ने बताउँदै आएका छन् भने ओली पक्षले कांग्रेस सभापति शेरबहादुर देउवालाई प्रधानमन्त्री बनाउन नेपाल समूहका २३ सांसदले गरेको हस्ताक्षर फिर्ता लिनुपर्ने बताउँदै आएको थियो । निश्क्रिय रहेको कार्यदल ब्युँतिएसँगै ओली पक्षको अडान निष्क्रिय बनेको छ भने नेपाल पक्षको अडान अझै कायम रहेको छ ।
प्रतिक्रिया