नेपालगन्ज । बाँकेमा केहिदिन देखि एक अङ्कमा सिमित भएको कोरोना संक्रमणको संख्या आज एक्कासी बढेर १५ पुगेको छ । बाँकेका ३ वटा प्रयोगशालामा ३१ जनामा संक्रमण पुष्टि हुँदा बाँकेका मात्र १५ जनामा संक्रमण पुष्टि भएको हो ।
डीसीएमसी बाँकेका अनुसार बाँकेका ल्यावहरुमा ३६० नमुना परीक्षण गर्दा ३१ जनामा कोरोना संक्रमण पुष्टि भएको थियो । पछिल्लो २४ घण्टामा बाँकेमा २ जना मात्र कोरोना मुक्त भएका छन् भने सोही अवधिमा कसैपनि मृत्यु भएको छैन ।
बाँकेका बिभिन्न अस्पतालहरुमा २३ जना संक्रमितको उपचार चलिरहेको छ, जसमा ४ जना भेन्टिलेटरमा छन् भने १० जना सिकिस्त अवस्थामा र ९ जनाको अवस्था मध्यम रहेको जनाईएको छ ।
प्रतिक्रिया