काठमाडौं । काठमाडौंमा आजदेखि कोरोना भाइरसविरुद्धको खोप भेरोसेलको दोस्रो डोज लगाइने भएको छ ।
जिल्ला स्वास्थ्य कार्यालय, काठमाडौंका अनुसार तीन दिनसम्म दोस्रो डोज लगाइनेछ । भेरोसेलको पहिलो डोज लगाएकालाई डोस्रो डोज लगाउन थालिएको जिल्ला स्वास्थ्य कार्यालयका प्रमुख बद्रीबहादुर खड्काले जानकारी दिए ।
पहिलो मात्रा लगएका ५० वर्षभन्दा माथिका सबैलाई दोस्रो डोज दिइनेछ । यस्तै विश्वविद्यालय र विद्यालयका प्राध्यापक, शिक्षक र कर्मचारी सार्वजनिक यातायातका चालक र सहचालकले पनि डोस्रो डोज पाउने भएका छन् ।
यससँगै सरकारले तोकेको अत्यावश्यक सेवामा कार्यरत व्यक्ति तथा खोप अनिवार्य गरिएका विदेशमा जाने नेपालीलाई पनि भेरोसेलको दोस्रो डोज लगाइने स्वास्थ्य कार्यालयले जनाएको छ । यसअघि भेरोसेलको पहिलो डोज लगाएका र दोस्रो डोज छुटेका व्यक्तिलाई पनि खोप लगाइने भएको छ ।
यसका लागि काठमाडौंका सबै वडामा खोप केन्द्र राखिएको छ । यससँगै आठ वटा अस्पतालमा पनि खोप लगाउने व्यवस्था गरिएको छ ।
प्रतिक्रिया