काठमाडौं । नेकपा एमालेका सांसदद्वय सोमप्रसाद पाण्डे र शारदादेवी भट्ट नेकपा एकीकृत समाजवादीमा आवद्ध हुन पाउने भएका छन् ।
न्यायाधीशद्वय ईश्वरप्रसाद खतिवडा र नहकुल सुवेदीको इजलासले पाण्डे र भट्टलाई एकीकृत समाजवादीमा आवद्ध हुँदा उनीहरूको काम कारवाहीमा कुनै असर नगर्न अन्तरिम आदेश दिएको छ ।
एकीकृत समाजवादीमा सनाखतका लागि निर्वाचन आयोगमा निवेदन दिएपनि आयोगले अस्वीकार गरेपछि सांसदद्वय पाण्डे र भट्टले अदालतमा रिट दायर गरेका थिए । एमाले केन्द्रीय सदस्यहरुले सनाखत गर्नुअघि नै दुवैले निर्वाचन आयोगमा निवेदन दिए पनि भदौम २ गते दल दर्ताका लागि निवेदन दिँदा दुवैको नाम नभएको भन्दै आयोगले सनाखत अस्वीकार गरेको थियो ।
न्यायाधीशद्वय खतिवडा र सुवेदीको इजलासले सनाखतपूर्व नै दल रोजेको देखिएकाले अन्तिम टुंगो नदाग्दासम्म उनीहरूको कनमलाई असर गर्ने गरी कुनै कारबाही नगर्न अन्तरिम आदेश दिएको छ ।
पाण्डे प्रतिनिधिसभाका सांसद हुन भने भट्ट राष्ट्रियसभाका सांसद हुन् ।
प्रतिक्रिया