जनकपुरधाम । प्रदेश २ का उद्योग, पर्यटन तथा वनमन्त्री राम नरेश रायलाई मन्त्रीबाट हटाइएको छ ।
मुख्यमन्त्री लालबाबु राउतले रायलाई पदमुक्त गरेर वन मन्त्रालयको जिम्मेवारी आफैँले सम्हालेका छन् । मुख्यमन्त्री राउतको सिफारिसमा प्रदेश प्रमुख हरिशंकर मिश्रले रायलाई पदमुक्त गरी वन मन्त्रालय राउतलाई नै जिम्मा दिएका छन् ।
नेकपा (एकीकृत समाजवादी)लाई सरकारमा सहभागी गराउने मुख्यमन्त्री राउतले रायलाई हटाएका हुन् । राउतले रायलाई आफै राजीनामा गर्न आग्रह गरेका थिए । तर रायले पार्टीले निर्णय गरेपछिमात्रै राजीनामा दिनसक्ने बताएका थिए ।
रायको स्थानमा अब एकीकृत समाजवादीका संसदीय दलका नेता शत्रुघन महतो मन्त्री बन्ने भएका छन् ।
प्रतिक्रिया