रोल्पा । लुम्बिनी प्रदेशका मुख्यमन्त्री कुलप्रसाद केसीले लुम्बिनी प्रदेशको सन्तुलित विकास नै प्रदेश सरकारको सपना भएको बताएका छन् । शनिबार रोल्पामा माओवादी कार्यकर्तासंगको भेटघाट कार्यक्रममा बोल्दै मुख्यमन्त्री केसीले वर्तमान गठबन्धन सरकारले सम्पूर्ण ध्यान प्रदेशको समृद्धि र सन्तुलित विकासमा लगाएको बताए ।
उनले प्रदेश सरकारले आम लुम्बिनीबासीको जीवनलाई समृद्ध बनाउने लक्ष्य लिएको बताउँदै लुम्बिनीको विकास नै आफ्नो सपना भएको बताए । प्रदेश सरकारको योजना नै सन्तुलन मिलाएर विकास गर्ने र लुम्बिनी प्रदेशलाई नमुना प्रदेशको रुपमा विकास गर्ने रहेको केसीले बताए ।
उनले लुम्बिनीको पूर्ववर्ती सरकारले ल्याएको बजेट भन्दा वर्तमान सरकारकाले ल्याएको बजेट जनमैत्री भएकाले यसलाई छिटो कार्यन्वय गर्न सके प्रदेशले समृद्धिको बाटो पहिल्याउने बताए ।
प्रतिक्रिया