काठमाडौं । पछिल्लो २४ घण्टामा नेपालमा कोरोना भाइरसका ८ हजार १७ जना नयाँ संक्रमित थपिएका छन् ।
स्वास्थ्य तथा जनसंख्या मन्त्रालयले बिहीबार अपरान्ह सार्वजनिक गरेको तथ्यांक अनुसार २१ हजार ८०८ जनामा गरिएको परीक्षणमा यतिको संख्यामा संक्रमित थपिएका हुन् । यीमध्ये ५ हजार ८१६ जनामा पीसीआर परीक्षणमार्फत संक्रमण पुष्टि भएको हो । बाँकीमा एन्टिजेनमार्फत गरिएको परीक्षणबाट संक्रमण देखिएको हो ।
२४ घण्टाको अवधिमा ५ हजार २९२ जना संक्रमणमुक्त भएका छन् । यसै अवधिमा १५ जनाको मृत्यु भएको छ ।
आज देशभर ९० हजार। ५७६ जना सक्रिय संक्रमित रहेको मन्त्रालयले जनाएको छ ।
प्रतिक्रिया