६ हजार ८२७ कोरोना संक्रमित थपिए, ५ हजार ४३२ संक्रमणमुक्त

काठमाडौं । कोरोना भाइरसको तेस्रो लहर फैलिएयता ह्वात्तै बढेको संक्रमितको संख्या केही दिनयता पुनः घट्न थालेको छ ।

पछिल्लो २४ घण्टामा ६ हजार ८२७ जना संक्रमित थपिएको स्वास्थ्य तथा जनसंख्या मन्त्रालयले जनाएको छ ।

१९ हजार ८६९ जनामा गरिएको परीक्षणमा झण्डै सात हजारमा संक्रमण पुष्टि भएको हो । बिहीबार ८ हजार १७ जनामा संक्रमण देखिएको थियो ।

२४ घण्टाको बीचमा ५ हजार ४३२ जना संक्रमित निको भएका छन् । यसै अवधिमा १० जनाको मृत्यु भएको छ ।
आज देशभर ८९ हजार ९४१ जना सक्रिय संक्रमित रहेको मन्त्रालयले जनाएको छ ।