काठमाडौं । कपिलवस्तुको महाराजगन्ज नगरपालिकाको उपमेयर पदका उम्मेदवार शुभावती कुर्मीको मृत्यु भएको छ ।
नगरपालिकाका निवर्तमान उपमेयरसमेत रहेकी कुर्मी नेपाली काँग्रेसबाट पुनः उम्मेदवार भएकी थिइन । गए राती श्वास प्रश्वासमा असहज भए पछि उपचारको लागि उनलाई कपिलवस्तु अस्पताल तौलिहवा लगिएको थियो ।
उपचारको क्रममा राति १ बजे निधन भएको स्थानीय व्रिजेश यादवले बताए । उनको हृदयघातको कारण मृत्यु भएको बताइएको छ । मृतक कुर्मीको शवको आजै दाह संस्कार गरिने तयारी गरिएको छ ।
कांग्रेसले कुर्मीको निधन भएको जानकारी निर्वाचन अधिकृत कार्यालयमा पठाइसकेको छ । उपमेयरका उम्मेदवारको निधन भएका कारण त्यहाँको चुनाव स्थगित हुनसक्ने देखिएको छ । निर्वाचन कार्यालयले मृत्युबारे निर्वाचन आयोगलाई जानकारी गराएपछि आयोगले यसबारे निर्णय गर्नेछ ।
उता, दाङको तुलसीपुर उपमहानगरपालिका–१७ मा एमालेबाट वडाध्यक्षका उम्मेदवार लवरु चौधरीको मृत्यु भएको छ ।
चुनाव प्रचारको क्रममा बिरामी परेका चौधरीको सोमबार राति उपचारको क्रममा मृत्यु भएको हो । उनको अवस्था चिन्ताजनक भएपछि नेपालगन्जस्थित भेरी अस्पतालबाट रहेको त्रित्रि शिक्षण अस्पताल महाराजगन्ज ल्याइएको थियो । चौधरीको शवलाई दाङ लैजाने तयारी भैरहेको एमालेले जनाएको छ ।
न्।
प्रतिक्रिया