काठमाडौं । कोरोना भाइरसको संक्रमण सबैभन्दा पहिला सुरु भएको छिमेकी चीनले कोरोना विरुद्धको लडाईंमा स्वेतपत्र जारी गरेको छ ।
चीनको राज्य परिष्द सूचना कार्यालयद्वारा ‘फाइटिङ कोभिड–१९ चाइना इन एक्सन’ शिर्षकको स्वेतपत्र जारी गरेको हो ।
चीन सरकारको स्वेतपत्रका अनुसार भाइरसविरुद्धको लडाईंमा चीनको प्रयासलाई सुरक्षित गर्दै बाँकी विश्वमा आफ्नो अनुभव सेयर गर्ने उद्देश्यले स्वेत पत्र जारी भएको हो । कोरोना विरुद्धको वैश्विक लडाईंमा आफ्नो विचार स्पष्ट गर्नकालागि स्वेत पत्र जारी गरेको चीनले जनाएको छ ।
स्वेत पत्रमा कोरोना महामारीलाई मानवताका लागि शताब्दीकै सबैभन्दा भयानक भन्दै विश्लेषण गरिएको छ ।
एउटा अज्ञात, अप्रत्याशित, र विनाशकारी रोगको सामाना गर्दै चीनले रोगलाई फैलिन नदिन नियन्त्रणका लागि दृढ लडाईं लडेको स्वेतपत्रमा उल्लेख गरिएको छ ।
‘मानिसको जीवन एवं स्वास्थ्यलाई पहिलो प्राथमिकता बनाउँदै चीनले व्यापक, कडा एवं पुरै मेहनतका साथ कोरोना भाइरस रोकथामका उपायहरु अपनाएको छ ।’ स्वेतपत्रमा दाबी गरिएको छ, ‘अब यो भाइरसको संक्रमण फैलिन नदिन सबै च्यानलहरु नियन्त्रण गर्न चीन सफल भएको छ ।’
महामारी विरुद्धको चिनियाँ लडाईं, आगोको परीक्षा, समन्वयकारी ढंगले रोकथाम, नियन्त्रण र उपचारमा सक्षम, भाइरस विरुद्ध बलियो भरपर्दो शक्ति निर्माण र स्वास्थ्यका लागि विश्व समुदायसँग हातमालो गरी स्वेतपत्रमा चार भाग रहेको छ ।
प्रतिक्रिया