बुटवल । पचिश्म रुकुमको चौरजहारीमा भएको घटनाका बिषयमा मानवअधिकार तथा पत्रकारहरुको टोलीले स्थलगत अध्ययन अनुगमन गरेर बुटवल फर्केको छ ।
मानव अधिकार तथा शान्ति समाजको नेतृत्वमा मानव अधिकार र पत्रकारहरुको टोली गत शुक्रबार रुकुम र जाजरकोटको स्थलगत अध्ययन अनुमगमा गएको थियो ।
घटनाको वास्तविकता र पिडितहरुको अवस्थाबारे मृत्यू भएको जाजरकोट भेरी रानागाउँ, मटेला, घटना स्थल चौरजहारी सोतीगाउँ र प्रहरी प्रशासन तथा अन्य सरोकारवालाहरुसँग जानकारी लिने काम भएको मानव अधिकार तथा शान्ति समाजका केन्द्रीय बरिष्ठ उपसभापति गोविन्द खनालले बताउनुभयो ।
पिडित परिवारले न्यायका लागि थालेका कानुनी प्रक्रिया, प्रहरी र प्रशासनले घटनाका सम्बन्धमा गरेका कामसँगै घटनाको वास्तविकताबारे प्रत्यक्षदर्शी र स्थानीयहरुसँग समेत कुराकानी गरेर टोली मंगलबार बुटवल फर्केको खनालले बताउनुभयो ।
घटनाको स्थलगत अध्ययन प्रतिवेदन केहि दिनमै सार्वजनिक गर्ने संविधानसभा सदस्य अधिकारकर्मी विनोद पहाडीले जानकारी दिनुभयो । घटना निकै संवेदनशिल भएकाले यससँग सम्बन्धित सबै पक्ष र निकायहरुलाई जिम्मेवार र पिडितलाई न्याय दिलाउन अध्ययनले थप मद्धत पुर्याउने बरिष्ठ पत्रकार राससका पूर्व अध्यक्ष बालकृष्ण चापागाईले बताउनुभयो ।
उक्त अध्ययन टोलीमा एडभोकेसी फोरमका अधिवक्ता शिव गौडेल, पत्रकार माधव नेपाल र विनोद परियारको सहभागिता थियो ।
प्रतिक्रिया