काठमाडौं । काठमाडौं उपत्यकामा पनि सलह किरा भित्रिएको छ ।
मंगलबार अपरान्ह काठमाडौंको लाजिम्पाट, रानीबारी, सामाखुशी, गोंगबु, बसपार्क क्षेत्रमा सहल किरा देखिएको हो ।
काठमाडौंमा थोरै संख्यामा मात्र सलह देखिएको नार्कले जनाएको छ ।
सलह धपाउन रानीबारी क्षेत्रका मानिसहरुले घरको छतछतबाट भाँडाकुँडा बजाएका छन् ।
विगत केहिदिन यता भारतहुँदै नेपाल भित्रिएको सलह किराले यतिबेला पहाडी क्षेत्रमा पुगिसकेको छ । मंगलबारबिहान मात्रै रसुवामा समेत सलह पुगेको थियो ।
सानो समुहमा मात्रै आएका कारण अहिल्यै आत्तिनुपर्ने अवस्था नभएको तर ठूलो समुहमा आएमा भने खेतीबालीलाई नष्ट गर्न सक्ने भन्दै कृषि वैज्ञानिकहरुले सचेत बन्न किसानहरुलाई सुझाव दिएका छन् ।
ठूलो संख्यामा सलह भित्रिएमा भने विषादी नै प्रयोग गर्नुपर्ने अवस्था आउन सक्ने उनीहरुले बताएका छन् ।
प्रतिक्रिया