१३ आश्विन २०८०, शनिबार | September 30, 2023

हावाबाट कोरोना संक्रमण फैलिन सक्ने भन्दै सयौं वैज्ञानिकले दिए चेतावनी



सयौं वैज्ञानिकहरुले कोरोना भाइसको संक्रमण हावाबाट समेत फैलिन सक्ने भन्दै चेतावनी दिएका छन् ।

न्यूयोर्क टाइम्सका अनुसार हावाको सानो कणमा रहेका कोरोना भाइरसबाट मानिसहरु संक्रमित हुनसक्ने वैज्ञानिकहरुले चेतावनी दिएका हुन् ।

वैज्ञानिकहरुले विश्व स्वास्थ्य संगठनलाई अहिलेसम्म संगठनले कोरोनाका बिरामीसँग जोडिएको दिशानिर्देशलाई संशोधन गर्दै हावाबाट समेत कोरोना सर्न सक्ने नयाँ निर्देशन जारी गर्न सुझाव दिएका छन् ।

खबर अनुसार शोधकर्ताहरुले डब्लुएचओलाई एक खुलापत्र लेख्दै यस्तो सुझाव दिएका हुन् । यो शोधपत्रको निस्कर्ष आगामी साता साइन्स जर्नलमा प्रकाशित हुँदैछ ।

सो अनुसन्धानमुलक जर्नलमा ३२ देशका २३९ वैज्ञानिकहरुले हावाको सानो कणबाट पनि कोरोना भाइरसको संक्रमण फैलिन सक्ने भन्दै तथ्य प्रस्तुत गर्नेछन् ।

विश्व स्वास्थ्य संगठनले अहिलेसम्म दिएको दिशानिर्देश अनुसार कोरोना भाइरस मुख्यगरी एक व्यक्तिबाट अर्को व्यक्तिसम्म सानोसानो ड्रपलेटबाट फैलिन्छ, जुन हाच्छुँ गर्दा या बोल्दा मुखबाट बाहिर निस्कन्छ । यही दिशानिर्देशकै आधारमा विश्वभरका चिकित्सकहरुले आम मानिसलाई सचेत बन्न एक व्यक्तिबाट अर्को व्यक्तिको बीचमा दुरी बनाइराख्न आग्रह गरिरहेका छन् ।

तर, न्यूयोर्क टाइम्सका अनुसार वैज्ञानिकहरुले दाबी गरेका छन् कि हाच्छुँ गर्दा हावामा धेरै टाढासम्म जाने खालका ठूला या साना ड्रपलेट जति क्षेत्रफलसम्म फैलिन सक्छन् त्यसमा रहेका कोरोना भाइरसले आम मानिसलाई संक्रमित गर्न सक्छ ।

यद्यपी, डब्लुएचओले भने वैज्ञानिकहरुले दिएको प्रमाण अझै पूर्ण नभएको प्रतिक्रिया दिएको छ । डब्लुएचओका वैज्ञानिक डा. बेनेडेटा अलेङ्ग्राजीले न्यूयोर्क टाइम्ससँग भनेका छन्, ‘वास्तवमा पछिल्लो दुई महिनामा हामीले पनि कैयौं पटक हावाको माध्यमबाट भाइरस सर्न सक्छ भनेर त भनिसकेका छौं तर सावित गर्नका लागि अहिलेसम्म ठोस पूमाण भेटिएको छैन ।’

यद्यपी, आगामी हप्ता प्रकाशित हुने साइन्स जर्नलमा सयौं वैज्ञानिकहरुले कुन प्रमाणका आधारमा हावाबाट कोरोना भाइरसको किटाणु सर्छ भनेर निस्कर्ष दिन्छने, त्यसका आधारमा थप व्याख्या र वैज्ञानिक बहस हुने देखिन्छ ।

प्रकाशित मिति : २२ असार २०७७, सोमबार  ८ : ०९ बजे

नेपालको धारणा प्रति चिनियाँ राष्ट्रपतिको पूर्ण समर्थन रहेको प्रधानमन्त्री प्रचण्डको दाबी (विज्ञप्तिकोपूर्णपाठ)

काठमाडौं। प्रधानमन्त्री पुष्पकमल दाहाल प्रचण्डले चीनसँगको व्यापार, लगानी तथा अन्तर्देशीय

बिमानस्थलबाट समातियाे तस्करीकाे तीन किलो सुन

काठमाडौं । त्रिभुवन अन्तर्राष्ट्रिय विमानस्थलबाट करिब तीन किलो सुन बरामद

भारतको रियल टाइम मार्केटमा विद्युत् बेच्न नेपाललाई अनुमति, ४४ मेगावाट बिक्री गर्न पाउने

काठमाडौं । नेपाल विद्युत प्राधिकरणले भारतको इनर्जी एक्सचेञ्ज (आइएक्स)को रियल

प्रधानमन्त्री प्रचण्ड स्वदेश फिर्ता

काठमाडौं । चीन भ्रमण सकेर प्रधानमन्त्री प्रचण्ड स्वदेश फर्किएका छन्

धौलागिरी अस्पताल बागलुङमा सिटी स्क्यान सेवा सुरु

बागलुङ । बागलुङको धौलागिरी अस्पतालमा सिटी स्क्यान सेवा सुरु भएको