काठमाडौं । मंगलबार कोरोना भाइरसका २५९ जना नयाँ संक्रमित थपिएका छन् ।
स्वास्थ्य तथा जनसंख्या मन्त्रालयले आयोजना गरेको नियमित प्रेस ब्रिफिङमा दिइएको जानकारी अनुसार ७ हजार ६८७ जनामा गरिएको पीसीआर परीक्षणमा २५९ जनामा संक्रमण पुष्टि भएको हो ।
हालसम्म देशभर २१ हजार ९ जना व्यक्ति कोरोना भाइरसबाट संक्रमित भएको मन्त्रालयका प्रवक्ता प्राडा. जागेश्वर गौतमले बताए । सक्रिय संक्रमितको संख्या ५ हजार ९२५ रहेको छ ।
जसमध्ये १५ हजार २६ जना कोरोना संक्रमणबाट मुक्त भएर घर फर्किएका छन् । पछिल्लो २४ घण्टामा ६५ जना मात्र डिस्चार्ज भएका छन् ।
काठमाडौं उपत्यका प्रवेशका तीन मुख्य नाका नागढुंगा, साँगा र फर्पिङमा स्वाव परीक्षण गरिएको छ ।
नागढुंगामा ६ हजार ६४ जनामा गरिएको परीक्षणमा १६ जना संक्रमित भेटिएका छन् ।
यसैगरी साँगामा ३ हजार ४८२ जनामा गरिएको परीक्षणमा १३ जनामा संक्रमण देखिएको छ भने फर्पिङमा लिइएको १३ सय २ जनाको स्वाव लिइएकोमा ११ जनामा संक्रमण पुष्टि भएको छ ।
हालसम्म १० हजा ४५२ जना व्यक्तिहरु अझै पनि क्वारेन्टिनमा रहेका छन् ।
प्रतिक्रिया