कपिलवस्तु । कपिलवस्तुमा जिल्ला अस्पतालका ३ जना चिकित्सक सहित १८ जनामा कोरोना भाइरसको संक्रमण पुष्टि भएको छ । गत साउन २६ गते अस्पतालमा कार्यरत र केही सम्पर्क ब्यक्तिहरु समेत ९१ जनाको स्वाब संकलन गरी पीसीआर परीक्षण गर्न पठाईएकोमा चिकित्सक सहित १८ जनामा कोरोना संक्रमण पुष्टि भएको हो ।
बुधबार संक्रमण पुष्टि भएकाहरुमा ओपीडी, ल्याब, नर्सिङ र आकस्मिक कक्षका स्वास्थ्यकर्मी रहेको अस्पतालले जनाएको छ । । अस्पतालका अनुसार अस्पतालको काउन्टर तथा प्रशासन फाँटका कर्मचारीमा पनि संक्रमण पुष्टि भएको छ । ७८ स्वाव नमुनाको रिजल्ट आएकोमा ६० जनाको रिपोर्ट भने नेगेटिभ आएको र १३ जनाको रिपोर्ट आउन बाँकी रहेको जिल्ला स्वास्थ्य कार्यालय कपिलवस्तुले जनाएको छ ।
गत साउन २५ गते जिल्ला अस्पतालका ५ जना स्वास्थ्यकर्मीमा संक्रमण पुष्टि भएपछि अस्पताल सिल गरिएको थियो । जिल्लामा हालसम्म ९ सय १ जनामा कोरोना संक्रमण पुष्टि भएको छ ।
कपिलवस्तुमा प्रयोगशाला स्थापना नगरिएका कारण जिल्लामा संकलन भएका स्वावको नमुना प्रदेश स्वास्थ्य प्रयोगशाला भैरहवा पठाउने गरिएको छ ।
प्रतिक्रिया