वीरगन्ज । वीरगन्जस्थित नारायणी अस्पतालको प्रयोगशालामा गरिएको परीक्षणमा भारतीय महावाणिज्य दूतावासका कर्मचारीसहित बारा,पर्सा र महोत्तरीका थप ४८ जनामा कोरोना संक्रमण पुष्टि भएको छ ।
संक्रमित हुनेमा महावाणिज्यदूताबासका १ जना कर्मचारी रहेका छन् । यस्तै, वीरगञ्जका २४ जना, बाराका २१ जना, महोत्तरीका २ जनामा कोरोना संक्रमण पुष्टि भएको नारायणी अस्पतालले जनाएको छ । जसमध्ये ३६ जना पुरुष र १२ जना महिला रहेका छन् ।
कन्ट्याक्ट ट्रेसिङमा वीरगन्ज महानगरपालिकाका सबैभन्दा धेरै संक्रमित देखिएको अस्पतालका मेडिकल सुपरिटेन्डेन्ट डा. मदन उपाध्यायले जनाए ।
संक्रमितहरु हुनेहरु नरायणी अस्पतालकै एक महिला चिकित्सक। र चार जना कर्मचारी पनि रहेका छन् । यस्तै वीरगन्जस्थि ग्लोबल आईएमई बैंकका ४३ वर्षीय एक जना पुरुष पनि संक्रमित भएको मेसु उपाध्यायाले बताए ।
यसैगरी, वीरगन्ज महानगरपालिका वडा नं ११ श्रीपुरका १ जना, वडा नं १० घडीअर्वा पोखरीका २ जना रहेका छन् । यस्तै, वडा नं २ छपकैयाका २ जना, वडा नं १३ राधेमाइका २ जना र वडा नं ४, ८, १४, १५, २५ का पनि एक एक जना संक्रमित रहेका छन् ।
यस्तै, बाराको जितपुर सिमरा उपमहानगरपालिकाका विभिन्न वडाका २० जनामा संक्रमण पुष्टि भएको छ । यस्तै, बाराकै विश्रामपुरका २४ बर्षका १ जना पुरुषमा पनि संक्रमण देखिएको छ ।
यसैगरी महोत्तरी जिल्ला जलेश्वरका ४ बर्षका १ जना बालक र ३७ बर्षकी १ जना महिलामा पनि संक्रमण पुष्टि भएको नारायणी अस्पतालले जनाएको छ ।
सबै संक्रमितहरुको स्वाब साउन २४ गतेदेखि २६ गतेसम्म संकलन गरिएको थियो ।
प्रतिक्रिया