काठमाडौं । आइतबार कोरोना भाइरसका ६४१ जना नयाँ संक्रमित थपिएका छन् ।
१२ हजार २४७ पीसीआर परीक्षणमा ६४१ जना संक्रमित थपिएको स्वास्थ्य तथा जनसंख्या मन्त्रालयका प्रवक्ता प्राडा. जागेश्वर गौतमले जानकारी दिए । जसमध्ये २१८ महिला र ४२३ जना पुरुष रहेका छन् ।
सबैभन्दा धेरै काठमाडौं उपत्यकामा १७२ जना संक्रमित थपिएका छन् । जसमध्ये काठमाडौंमा १२६ जना, ललितपुरमा ३८ जना र भक्तपुरमा ८ जना संक्रमित रहेका छन् ।
देशभर सक्रिय संक्रमितको संख्या ९ हजार २२१ रहेको छ । जसमध्ये आइसोलेसनमा रहनेहरु ८ हजार ७२४ जना बसिरहेका छन् भने ४९७ जना होम आइसोलेसनमा रहेका छन् ।
पछिल्लो २४ घण्टामा १४३ जना कोरोना संक्रमणबाट मुक्त भएर घर फर्किएका छन् । हालसम्म १७ हजार ३३५ जना संक्रमित निको भएर घर फर्किसकेका छन् ।
देशभरका क्वारेन्टिनमा १५ हजार २४३ जना रहेका छन् ।
प्रतिक्रिया