काठमाडौं । सोमबार कोरोना भाइरसका ७४३ जना संक्रमित थपिएका छन् ।
१० हजार २३४ नमुना पीसीआर परीक्षणमा ७४३ जना संक्रमित थपिएको स्वास्थ्य तथा जनसंख्या मन्त्रालयका प्रवक्ता प्राडा. जागेश्वर गौतमले जानकारी दिए । जसमध्ये २४६ महिला र ४९७ जना पुरुष रहेका छन् ।
थपिएका नयाँ संक्रमितसँगै नेपालमा कूल संक्रमितको संख्या ३२ हजार ६७८ पुगेको छ ।
काठमाडौं उपत्यकामा २२४ जना नयाँ संक्रमित थपिएका छन् । काठमाडौंमा १७७ जना, ललितपुरमा ३३ जना र भक्तपुरमा १४ जना संक्रमित थपिएका छन् ।
सक्रिय संक्रमितको संख्या १३ हजार ७१५ पुगेको छ । जसमध्ये जना विभिन्न आइसोलेसन सेन्टरमा ९ हजार १५४ रहेका छन् भने ४ हजार ५६१ जना होम आइसोलेसनमा बसेका छन् ।
पछिल्लो २४ घन्टामा १७५ जना संक्रमित डिस्चार्ज भएका छन् । हालसम्म डिस्चार्ज हुनेको संख्या १८ हजार ८०० पुगेको छ । निको हुने दर ५८ प्रतिशत रहेको छ ।
देशभरका विभिन्न क्वारेन्टिनमा ११ हजार २७५ जना व्यक्तिहरु रहेका छन् ।
प्रतिक्रिया