काठमाडौं । कोरोना भाइरसको संक्रमणबाट हालसम्म १५७ जनाको निधन भएको स्वास्थ्य तथा जनसंख्या मन्त्रालयले जनाएको छ ।
मन्त्रालयमा आयोजित नियमित कोरोना ब्रिफिङमा प्रवक्ता प्राडा. जागेश्वर गौतमले १५७ जनाको मृत्यु भएको रिपोर्ट सार्वजनिक गरेका हुन् ।
गौतमका अनुसार पछिल्लो २४ घण्टामा ८ जना संक्रमितको मृत्यु भएको अपडेट गरिएको छ । जसमध्ये तीन जना महिला र ५ जना पुरुष रहेका छन् ।
रुपन्देहीमा मात्रै ३८, ५३ र ५४ वर्षका तीन जना पुरुषको मृत्यु भएको प्रवक्ता गौतमले बताए ।
यस्तै, सुनसरीमा ६८ वर्षीय पुरुष, मोरङमा ६५ वर्षीय पुरुष, पर्सामा ७० वर्षीय महिला, काठमाडौंमा ४८ वर्षीय महिला र रुपन्देहीमा ६७ वर्षीय महिलाको मृत्यु भएको गौतमले जानकारी दिए ।
प्रतिक्रिया