बाजुरा । बाजुरा जिल्ला सदरमुकाम मार्तडी जान तुईन चढेर यात्रा गर्नुपर्ने भएको छ ।
साफेँ-मार्तडी सडक खण्डमा पर्ने बडिमालिका नगरपालिकाको जडाङ्गाकाको बुढीगंगा नदीमा रहेको बेलिब्रिज र झोलोङ्गे पुल बाढीले बगाएपछि स्थानीय जनता फेरि तुइन चढ्न बाध्य भएका हन् ।
अहिले स्थानीय आफैले निमार्ण गरेको तुईन चढेर जोखिमपूर्ण रुपमा नदी वारपार गरिरहेका छन् । तुईन चढेबापत प्रतिव्यक्ति ५० रुपैया तिर्नुपरेको छ ।
जिल्ला सदरमुकाम र बाजुरा जिल्लाको पुर्वीउतरी भेगमा रहेका स्थानीबासिको सम्पर्कका लागि अर्को विकल्प नहुँदा यसअघि विस्थापित गरिएको तुईनलाई नै फेरि बनाएर चढ्नुपर्ने बाध्यता भएको स्थानीयबासि रिता शाहीले बताइन् ।
‘जोखिमपूर्ण अवस्थामा ५० रुपैयाँ तिररै भएपनि नदी तरेर जिल्ला सदरमुकाम जान तुईन चढुनको विकल्प रहेन’, शाहीले दुःखेसो पोखिन ।
यता तुईन चलाइरहेका स्थानीयबासि परे बडुवा भन्छन्, ‘जोखिम मोलेरै भएपनि तुइन चलाइरहेका छौ, प्रति व्यक्ति ५० रुपैयाँ लिन्छौं । ज्यान जोखिममा राखेर मासिनहरुलाई वारपार गराउँछौं ।’ परिश्रम हेर्ने हो भने त ५० रुपैयाँ पनि सस्तो रहेको बडुवा बताउँछन् ।
बाजुराको साँफे–मार्तडी सडकअन्तरगत जडाङ्गामा रहेको बुढीगंगा नदीमा बेलिब्रिज र झोलोङ्गे पुल बगाएपछिअहिले सो ठाउँमा टुइनबाट आवतजावत गर्नुपरेको हो ।
साउन २५ गते राति अबिरल बर्षासँगैे आएको बाढीले बेलिब्रिज र नजिकै रहेको झोलोङ्गे पुल बगाएपछि यसठाउँमा आवतजावत गर्न स्थानीयकै सक्रियतामा तुईन बनेको हो ।
अर्को विकल्प नभएपछि आफुहरुकै सक्रियतामा यात्रीहरुका लागि तुईन बनाएर सेवा सुरु गरिएको अर्का स्थानीय जनक दानी बताउँछन् ।
‘पुल नहुँदा टुइनबाटै वारपार गर्न निकैै जोखिम रहेको छ । बिरामीलार्इ तुईन तराउन भने निकै समस्या रहेको संचालक गोरख बडुवालले बताए ।
स्थानीयलाई तुईन बनाउन कहिँ कतैबाट प्राधिक सहयोग प्राप्त छैन । स्थानीयको आफ्नै बुद्धिले तुइन बनेको छ ।
‘नदी त्यत्तिकै तर्न सकिँदैन । आवतजावत गर्न सहज होस भनेर स्थानीयको सक्रियतमा तुईन बन्यो । यही प्रयोग गरेका छौं । तर, वारपार गर्दा कता नदीमा खसिन्छ भन्ने डर लाग्छ ।’, तुईन तर्दैगरेकी रिता शाहीले बताइन ।
प्रतिक्रिया