नेपालगन्ज । बाँकेमा कोरोना संक्रमित भएका ८५ वर्षिय वृद्धले कोरोना भाइरसलाई पराजित गर्दै संक्रमण मुक्त भएका छन् । उनीसहित आज बाँकेमा ११ जना डिस्चार्ज भएर घर पठाईन लागेको स्वास्थ्य कार्यालय बाँकेले जनाएको छ ।
आज डिस्चार्ज हुनेहरुमा ३ महिला र ८ पुरुष रहेको स्वास्थ्य कार्यालय बाँकेका कोरोना फोकलपर्शन नरेश श्रेष्ठले जानकारी दिए ।
आज कोहलपुरका ६ जना र नेपालगन्जका ५ जनालाई डिस्चार्ज गरिने श्रेष्ठले बताए ।
श्रेष्ठका अनुसार ९ सय ५६ जनामा कोरोना पोजेटिभ देखिएको छ भने ६ सय ९३ जना निको भएर डिस्चार्ज भएका छन् । कोरोनाका कारण जिल्लामा ६ जनाको मृत्यु भएको छ ।
शुक्रबार बिहान सम्ममा बाँकेका विभिन्न आइसोलेसनमा २ सय ५७ जना उपचाररत छन् । जिल्लामा हालसम्म १८ हजार ९ सय ७८ जनाको पिसीआर जाँच भईसकेको छ ।
प्रतिक्रिया