नेपालगन्ज । सोमबार ४१ जना नयाँ संक्रमित थपिएको बाँकेमा मंगलबार १६ जना कोरोना मुक्त भएर घर फर्केका छन् ।
स्वास्थ्य कार्यालय बाँकेका अनुसार आज डिस्चार्ज भएसँगै जिल्लामा कोरोना मुक्त हुनेको संख्या ७ सय ४६ पुगेको छ ।
विभिन्न आईसोलेशनमा बसेका उनिहरुलाई आज बिहानै देखि डिस्चार्ज गर्न सुरु गरिएको स्वास्थ्य कार्यालय बाँकेका कोरोना फोकलपर्शन नरेश श्रेष्ठले बताए । आज डिस्चार्ज हुनेहरुको भाद्र २ गते कोरोना संक्रमण पुष्टि भएपछि उनिहरुलाई बिभिन्न आईसोलेशनमा राखेर उपचार सुरु गरीएको थियो । श्रेष्ठका अनुसार आईसोलेशनमा १४ दिन बिताएका र कोरोना सम्बन्धि कुनै लक्षण नदेखीएका ब्यक्तिहरुलाई पीसीआर परीक्षण नगराई डिस्चार्ज गर्ने गरिएको छ ।
बाँकेमा हालसम्म १ हजार ४३ जनामा कोरोना संक्रमण पुष्टि भएको छ भने ६ जनाको मृत्यु भइसकेको छ । विभिन्न आइसोलेसनमा २ सय ९१ जना संक्रमित उपचाररत रहेको स्वास्थ्य कार्यालयले जनाएको छ ।
जिल्लामा कोरोना संक्रमित निको हुने क्रम बढ्दै गएको फोकलपर्सन नरेश श्रेष्ठले बताए । श्रेष्ठका अनुसार बाँकेमा बिरामी निको हुने दर ७१ दशमलव ५२ प्रतिशत रहेको छ । संक्रमणमुक्त हुनेको तुलनामा बाँकेमा बिरामीको मृत्यु दर ० दशमलव ५८ प्रतिशत रहेको छ भने जिल्लामा रोग प्रकोप दर ० दशमलव १७ प्रतिशत रहेको छ ।
प्रतिक्रिया