काठमाडौं । देशभर पछिल्लो २४ घण्टामा ९ सय ८० जना नयाँ संक्रमित थपिएका छन् ।
स्वास्थ्य तथा जनसंख्या मन्त्रालयले आयोजना गर्ने नियमित पत्रकार सम्मेलनमा महिला २९० र पुरुष ६९० गरी ९८० जना थपिएको जानकारी दिएको हो ।
यसैगरी देशभर सक्रिय संक्रमितको संख्या १७ हजार २७ रहेको छ । जसमा संस्थागत आइसोलेशनमा ९ हजार २०१ र होम आइसोलेशनमा ७ हजार ८२६ जना रहेका छन् ।
देशभर संक्रमितको संख्या ४६ हजार २ सय ५७ पुगेको प्रवक्ता डा.जागेश्वर गौतमले जानकारी दिए ।
पछिल्लो २४ घण्टामा १ हजार ८१४ जना कोरोनाभाइरस संक्रमणमुक्त भएका छन् भने हालसम्म निको हुनेको कुल संख्या २८ हजार ९४१ पुगेको छ । यस्तै आज पीसीआर १० हजार ३८२ जनाको भएको छ ।
कोरोना संक्रमणबाट अहिलेसम्म देशभर २ सय ८९ जनाको ज्यान गएको छ ।
प्रतिक्रिया