एजेन्सी । अस्ट्रेलियाविरुद्धको तीन खेलको टी-ट्वान्टी सिरिज इंग्ल्यान्डले एक खेल अगावै जितेको छ ।
आइतबार राती भएको दोस्रो खेलमा पाहुना टोली अस्ट्रेलियालाई ६ विकेटले पराजित गर्दै इंग्ल्यान्डले सिरिज जितेको हो ।
साउथह्याम्पटनमा अस्ट्रेलियाबाट पाएको १ सय ५८ रनको चुनौती इंग्ल्यान्डले १८ ओभर पाँच बलमा चार विकेट गुमाउँदा पूरा गर्यो ।
घरेलु टोलीलाई जिताउन जोस बट्लरले ५४ बलमा आठ चौका र दुई छक्काको सहयोगमा नटआउट रहँदै ७७ रनको अर्धशतकीय इनिङ्स खेले । यसैगरी, डाविड मालनले ४२ रनको योगदान गरे भने ६ बलमा एक चौका र एक छक्कासहित मोइन अली १३ रनमा नटआउट रहे ।
अस्ट्रेलियाका एस्टन अगरले चार ओभरमा २७ रन खर्चेर दुई विकेट लिए भने मिचेल स्टार्क र एडम जाम्पाले १र१ विकेट लिए ।
त्यसअघि टस जितेर ब्याटिङ रोजेको अस्ट्रेलियाले निर्धारित २० ओभरमा ७ विकेटको गुमाउँदै १ सय ५७ रनको चुनौती प्रस्तुत गरेको थियो । उसका लागि कप्तान आरोन फिन्चले ४० तथा मार्कुस स्टोनिसले ३५ रन जोडेका थिए । यसैगरी, ग्लेन म्याक्सवेलले २६ र एस्टन अगरले २३ रन बनाए ।
इंग्ल्यान्डका क्रिस जोर्डनले दुई तथा जोफ्रा आर्चर,मार्क उड र आदिल राशिदले एकरएक विकेट हात पारे । यी दुई टोलीबीचको तेस्रो खेल मंगलबार साउथह्याप्टनमै हुने छ ।
प्रतिक्रिया