काठमाडौं । पछिल्लो २४ घण्टामा कोरोना भाइरसका ९०२ जना संक्रमित थपिएका छन् । तर, सन्तोष मान्ने कुरा संक्रमित भन्दा निको भएर घर फर्किनेको संख्या निरन्तर बढ्दो छ ।
मंगलबार ९०२ जना संक्रमित थपिँदा २ हजार २८७ जना संक्रमित निको भएर घर फर्किएका छन् ।
हालसम्म देशभर संक्रमितको संख्या ४८ हजार १३८ पुगेको छ । ३२ हजार ९६४ जना संक्रमित घर फर्किका छन् । यो कुल संक्रमितको ६८ दशमलव ५ प्रतिशत रहेको स्वास्थ्य तथा जनसंख्या मन्त्रालयका प्रवक्ता प्राडा जागेश्वर गौतमले बताए ।
आज पनि काठमाडौमा ३०० जना नयाँ कोरोना संक्रमित थपिएका छन् । स्वास्थ्य मन्त्रालयले जनाए अनुसार काठमाडौमा १०१ महिला र १९९ पुरुषमा संक्रमिण पुष्टि भएको छ । उपत्यकाको भक्तपुरमा ५८ र ललितपुरमा ३८ जना नयाँ संक्रमित थपिएका छन् ।
पछिल्लो २४ घण्टामा कोरोनाका कारण मुलुकमा ६ जनाको निधन भएको छ । मन्त्रालयको तथ्याँक अनुसार सुनसरीमा १, पर्सामा २, काठमाडौंमा १ र कपिलवस्तुमा १ जनाको निधन भएको छ ।
आईसीयमा १४४ जना संक्रमित उपचाररत छन् भने भेन्टिलेटरमा २३ जना रहेका छन् ।
प्रतिक्रिया