कावासोती । पूर्वी नवलपरासीको देवचुली नगरपालिकामा ६ जना कर्मचारी सहित ३४ जनामा कोरोना संक्रमण पुष्टि भएको छ ।
देवचुली नगरपालिका वडा नम्बर ४, ७, ८, ९, १०, ११ र १४ मा नयाँ कोरोना संक्रमित थपिएका हुन् ।
संक्रमण देखिनेहरुमा देवचुली नगरपालिकामा कार्यरत ६ जना कर्मचारी रहेका छन् भने ३ जना क्वारेनटाईनमा बसेका र बाँकी समुदायको भएको देवचुली नगरपालिकाका स्वास्थ्य प्रमुख रामकुमार श्रेष्ठले बताए ।
१ सय १९ जनाको पीसीआर चेक गर्दा ३४ जनामा कोरना संक्रमण देखिएको हो ।
नवलपुरमा एउटै नगरपालिकाभित्र यति धैरे संक्रमित देखिएको पहिलो पटक हो ।
संक्रमित सबैलाई आईसोलेसन पठाउने तयारी भएको प्रमुख श्रेष्ठलेले जानकारी दिए ।
प्रतिक्रिया