१६ चैत्र २०८०, शुक्रबार | March 29, 2024

बृक्षारोपण सहित खाद्यान्न बोकेर बृद्धाआश्रम पुग्यो ग्रीनसिटी



भैरहवा । लायन्स क्लब अफ भैरहवा ग्रिनसिटीले वृद्धाश्रममा खाद्यान्न बोकेर पुगेको छ ।

क्लबले रुपन्देहीको ओमसतिया गाउँपालिका–४ बालापुरस्थित श्री सत्य साई वृद्ध सेवा आश्रममा फलफूलको बिरुवा रोप्नुका साथै खाद्यान्न सामाग्री उपलब्ध गराएको हो ।

क्लबले वृद्धाआश्रमका सञ्चालक समितिका सम्पूर्ण सदस्य र वृद्धवृद्धाहरुको कोरोना बीमा गरिदिएको छ । सामाजिक उत्तरदायित्व अन्तर्गत वृद्धाआश्रममा रहेका वृद्धवृद्धाहरुलाई केही भए पनि सहयोग पुगोस् भन्ने उद्देश्यले खाद्यान्न सामाग्री प्रदान गरिएको क्लबका संस्थापक अध्यक्ष शिवनाथ गुप्ताले बताए । क्लबका अध्यक्ष गुप्ताले वृद्धाश्रमकी अध्यक्ष माया खरेललाई उक्त खाद्यान्न सामाग्री हस्तान्तरण गरे ।

कार्यक्रममा बोल्दै प्रमुख अतिथि लायन्स डिष्ट्रिक इन्टरनेशनल ३२५ बी टु नेपालका स्टे«ेटेजिक चिफ पीएमजेएफ नवराज न्यौपानेले लायन्सको मर्म अनुरुप क्लबले सराहनीय कार्य गरेको बताए ।

कार्यक्रम संयोजक एवं क्लबका जनसम्पर्क अधिकारी विना पौडेल क्षेत्रीको स्वागत तथा सचिव भीम बहादुर थापाको सञ्चालनमा कार्यक्रम सम्पन्न भएको थियो ।

यसैबीच कोभिड–१९ को संक्रमण बढिरहेकोले आगामी दिनमा आइपर्ने समस्याबाट केही भए पनि राहत होस् भन्ने उद्देश्यले यूनाइटेड इन्स्यारेन्स कम्पनी (नेपाल) लिमिटेडबाट वृद्धआश्रमका सञ्चालक समिति सदस्य र वृद्धवृद्धाको हेरचाह गर्ने ३ जनासहित २० जना वृद्धवृद्धाहरुको एक एक लाखको कोरोना बीमा गरिएको क्लबका कोषाध्यक्ष बिनोद यादवले बताए । यस अघि क्लबले ब्लड क्यान्सर पीडित सैनामैना निवासी मनोज गिरीको उपचारका लागि ५१ हजार रुपैयाँ प्रदान गरेको थियो ।

त्यस्तै शनिबार लायन्स क्लब अफ भैरहवा ग्रिनसिटीको प्रथम बोर्ड बैठक भैरहवामा सम्पन्न भएको छ । बैठकले लायन्सको पाँचवटा विधामा रही वार्षिक ३८ वटा कार्यक्रम सम्पन्न गर्ने गरी कार्ययोजना बनाएको क्लबका तृतीय उपाध्यक्ष क्षेत्रीले जानकारी दिए ।

प्रकाशित मिति : २८ भाद्र २०७७, आइतबार  ८ : १३ बजे

बुटवल उपमहानगरमा ज्येष्ठ नागरिक र फरक क्षमता भएका व्यक्तिको घरदैलोमा पुगेर स्वास्थ्य परीक्षण

बुटवल । बुटवल उपमहानगरपालिकामा ज्येष्ठ नागरिक र फरक क्षमता भएका

एन आई सी एशिया बैंकद्वारा ‘बिराट गोल्ड कप फुटबल’ प्रायोजन

काठमाडौ । एन आई सी एशिया बैंकले कोशी प्रदेशमा आयोजना

कांग्रेस सांसद टेकबहादुर गुरुङको निलम्बन फुकुवा

काठमाडौं। नेपाली कांग्रेसका सांसद टेकबहादुर गुरुङको निलम्बन फुकुवा भएको छ

सुदूरपश्चिम सरकार छोड्न नाउपा अध्यक्ष रञ्जिताको लिखित निर्देशन

काठमाडौं । नागरिक उन्मुक्ति पार्टी (नाउपा)की अध्यक्ष रञ्जिता श्रेष्ठले सुदूरपश्चिम

लोकेश बमको शतकका बाबजुद आयरल्याण्ड वोल्भ्ससँग नेपाल पराजित

काठमाडौं। आयरल्याण्ड वोल्भ्सले नेपाल ए लाई पराजित गरेको छ ।