नेपालगन्ज । पछिल्लो २४ घण्टामा बाँके जिल्लामा मंगलबार ४३ जनामा कोरोना संक्रमण पुष्टि भएको छ ।
भेरी अस्पताल नेपालगन्जको प्रयोगशाला र बागेश्वरी डाइग्नोष्टिक एण्ड पोलिक्लिनिक सेन्टरमा गरीएको पीसीआर परीक्षणबाट बाँकेमा ४३ जनाको कोरोना संक्रमण पुष्टि भएको हो ।
स्वास्थ्य कार्यालय बाँकेले दिएको जानकारी अनुसार संक्रमितमध्ये सबैभन्दा धेरै नेपालगन्ज उपमहानगरका ३० जना छन् छन् भने जिल्ला प्रहरी कार्यालय बाँकेका ६ जना, खजुरा गाउँपालिकाका ३ र कोहलपुर नगरपालिकाका एक जना छन् ।
आज थपिएसँगै बाँके जिल्लामा कोरोना संक्रमितको कुल संख्या १५१२ पुगेको छ । डिस्चार्ज हुने १०७८ छन् भने आइसोलेसनमा ४ सय २६ जनाले उपचार गराई रहेका छन् । कोरोनाबाट बाँकेमा अहिलेसम्म ८ जनाको ज्यान गएको छ ।
प्रतिक्रिया