काठमाडौं । हिजोदेखि सुरु सत्तारुढ नेपाल कम्युनिष्ट पार्टी नेकपाको सचिवाल बैठक भोलिसम्मका लागि स्थगित भएको छ ।
बिहान ११ बजे पेरिसडाँडामा बस्ने भनिएको बैठक दिउँसो १ बजेसम्मका लागि स्थगित गरिएको थियो ।
तर अब भोलि मंगलबार मध्यान्न १२ः३० बजे बस्ने गरी बैठक स्थगित भएको अध्यक्ष पुष्पकमल दाहाल प्रचण्डका प्रेस संयोजक विष्णु सापकोटा जुगलले जानकारी दिए ।
हिजोबाट सुरु बैठकका एजेण्डमा थप गृहकार्य गर्नका लागि बैठक स्थगित भएको सापकोटाले बताए । प्रेस संयोजक सापकोटाका अनुसार बैठक बस्ने स्थानबारे भने अहिल्यै तय भैसकेको छैन । यसबीचमा अध्यक्षद्वय प्रचण्ड र केपी शर्मा ओलीबीच थप छलफल समेत हुनेछ ।
सचिवालय बैठकमा चार वटा एजेण्डामाथि छलफल हुने भएको छ । जसमध्ये मन्त्रिपरिषद् पुनर्गठनका बारेमा हिजो औपचारिक छलफल सुरु भएको प्रवक्ता नारायणकाजी श्रेष्ठले जानकारी दिएका थिए ।
यसबाहेक संवैधिानिक निकायमा रिक्त पदपूर्ति, पार्टीको सांगठनिक एकता पुरा गर्ने विषय र विविध विषयको एजेण्डा रहेको छ ।
प्रतिक्रिया