काठमाडौं । कोरोना भाइरसको महामारीले सिंगो देश नै प्रभावित छ । भाइरसका संक्रमित नै नभएका ६ जिल्लालाई छोड्ने हो भने ७१ जिल्लामा संक्रमण फैलिएको छ ।
सबैभन्दा धेरै संक्रमित देशको राजधानी काठमाडौं रहेको छ । सबैभन्दा धेरै घनावस्ती भएको काठमाडौंमा मात्रै कुल संक्रमितको ५० प्रतिशत बढी संक्रमित थपिएका छन् शनिबार पनि ।
स्वास्थ्य तथा जनसंख्या मन्त्रालयको तथ्यांक केलाउने हो भने यो प्रवृति विगत केहिदिन यता निरन्तर चलिरहेको छ ।
काठमाडौं उपत्यकामा ७२४ जना संक्रमित बढेका छन् । जसमध्ये काठमाडौंमा मात्रै ५८३ जना रहेका छन् । यस्तै, ललितपुरमा ७८ जना र भक्तपुरमा ६३ जना संक्रमित थपिएका छन् ।
शनिबार उपत्यकाबाहिर सबैभन्दा धेरै मोरङमा ७८ जना संक्रमित थपिएका छन् । मोरङलाई पच्छयाउँदै प्रदेश ५ को राजधानी रुपन्देही अघि आएको छ । रुपन्देहीमा ७३ जना संक्रमित थपिएका छन् । बाँकेमा ३० जना संक्रमित थपिएका छन् । यसैगरी दाङमा २८ जना संक्रमित थपिएका छन् ।
गत साउन महिना भर कोरोना संक्रमणको हटस्पट बनेको पर्सा जिल्लामा भने संक्रमितहरु न्यून बन्दै गएका छन् । शनिबार पर्सामा २८ जनामा मात्र संक्रमण पुष्टि भएको छ । यस्तै, सुनसरी जिल्लामा २३ जनामा संक्रमण पुष्टि भएको छ ।
काभ्रेमा १७ जना, सिन्धुली र डोटीमा १५/१५ जना थपिएका छन् भने अछामा १३ जना संक्रमित थपिएका छन् । यस्तै, प्रदेश २ को सप्तरीमा ११ जना संक्रमित थपिएका छन् ।
गण्डकी प्रदेशको राजधानी कास्की र नवलपरासीमा १०/१० जनामा मात्र संक्रमण देखिएको छ । चितवनमा १२ जना संक्रमित बढेका छन ।
शुन्य संक्रमित भएका ६ वटा हिमाली जिल्ला रहेका छन् । जसमा रसुवा, मनाङ, मुस्ताङ, डोल्पा, मुगु र हुम्ला रहेका छन् ।
प्रतिक्रिया