१५ चैत्र २०८०, बिहिबार | March 28, 2024

बैठक कोरोना रोकथाम र नियन्त्रणको, छलफल गाईभैंसी, भेंडाबाख्राका



बर्दिया । बर्दियामा जिल्ला कोरोना संकट ब्यवस्थापन केन्द्रको आयोजनामा जिल्लामा कोरोना संक्रमण रोकथाम तथा सतर्कता अपनाउन बसेको बैठकमा कोरोना रोकथामका कुरा छाडेर गाई, भैंसी, बाख्राका बिषयमा गरमागरम छलफल भएको छ ।

जिल्ला प्रशासन कार्यालय बर्दियामा भएको छलफलमा बिषयान्तर गर्दै केहि जनप्रतिनिधिहरुले प्रहरीले घरमै पालेका गाई, भैंसी र बाख्रा बिक्रिबितरण गर्दा समेत भारतबाट ल्याएको झुठा आरोप लगाएर दुःख दिनेगरेको बिषय प्रवेश गराएपछि बैठक कोरोनाको भन्दा गाई भैंसीका बिषयमा केन्द्रित भएको थियो ।

कोरोना रोकथामको बैठकमा गुलरिया नगरपालिकाका नगरप्रमुख मुक्क्तीनाथ यादवले गुलरिया नगरपालिकाका किसानहरुले भेडा, बाख्रा, भैँसी किन्न, बेच्न प्रहरीले अवरोध गरेको भन्दै किसानलाई उभ्याएर गोली ठोक्नुस् भन्दै जङ्गिएपछि बैठकको छलफललले अर्कै मोड लिएको बैठकमा सहभागि एक पालिकाका अध्यक्षले बताएका छन् । प्रहरीले घरमै पालेर हुर्केका गाईबस्तु बिक्रि बितरण गर्दा समेत भारतबाट ल्याएको भन्दै दुःख दिने गरेको भन्दै वस्तुभाउको डीएनए परीक्षण गराउन प्रशासनलाई नगर प्रमुख यादवले चुनौती दिएका थिए ।

यादव भन्दा मधुवन नगरपालिकाका नगरप्रमुख गणेश बहादुर क्षेत्री पनि के कम् । उनले पनि प्रहरीले भारतसंग सिमा जोडिएको मधुवन नगरपालिकाका किसानले आफुले पालेको भैँसी बेच्दा पनि दिएको भन्दै कहाँबाट कसरी ल्याएको हो नबुझि भैँसी र मान्छे नियन्त्रणमा लिएर भन्सारमा बुझाउने गरेको आरोप लगाए ।

बैठकमा सहभागि बर्दियाका प्रहरी प्रमुख एसपी केदार रजौरे तर्फ औंला ठड्याउंदै नगरप्रमुख क्षेत्रीले अब किसानले आफुले पालेका भेडा, बाख्रा, भैँसी बेच्दा पनि प्रहरीको रोहबरमा बेच्नु पर्ने भयो हैन ? भन्दै प्रश्न उठाएपछि अवस्था अझै चर्काचर्किमा पुगेको थियो । उनले साना किसानलाई दुःख दिने, ठुला तस्करलाई तपाईँहरुको मिलोमतोमा उम्कन दिने, वास्तवमा तस्कर गर्नेसंग प्रहरी मिलेका कारण तस्कर भएको छ र बढेको बताए ।

चर्काचर्कि कै बिच बर्दियाका प्रमुख जिल्ला अधिकारी लिलाधर अधिकारीले सबैलाई बस्न आग्रह गर्दै छलफलनै नगरि केहि कोरोना रोकथाम सम्बन्धि निर्णय सुनाएर बैठक समापन गरेका थिए ।

बर्दियाका सिमावर्ती गाँउहरुमा केहि पशु चौपायका तस्करहरुले भारतबाट गोरु, भैंसीको तस्करी गर्ने गरेको बाहानामा प्रहरीले सोझा किसानहरुलाई दुःख दिने गरेको जनप्रतिनिधिहरुको भनाई छ । जिल्लाको सदरमुकाम गुलरिया सहित बर्दियाका धेरै स्थानहरु भारतीय नाकासँग जोडिएको छ । सीमावर्ती क्षेत्रका नेपालीहरु नेपाल सरकारले सहजरुपमा रासायनिक मल, बिउ उपलब्ध गराउन नसकेको अवस्थामा भारतीय बजारबार्ट आश्रित हुने गरेका छन् । बर्दियामा खुल्ला सिमाना भएका कारण घांस दाउरा, गाईवस्तुको चरण समेत भारतीय भूमिमा हुने गरेको छ ।

प्रकाशित मिति : १३ आश्विन २०७७, मंगलबार  ९ : ५० बजे

रास्वपाबाट इलाम- २ मा मिलन लिम्बु बने उम्मेदवार

काठमाडौं । राष्ट्रिय स्वतन्त्र पार्टी (रास्वपा) ले  वैशाख १५ गते

एमाले पार्टी कार्यालय अध्ययन भ्रमणमा पुगे रास्वपाका नेता

काठमाडौं । राष्ट्रिय स्वतन्त्र पार्टी (रास्वपा) का नेताहरुले नेकपा एमालेको

एमाले रुपन्देहीको दशौं अधिवेशन जेठ १६ र १७ गते, विभिन्न समितिहरु गठन गर्दै तयारी सुरु

बुटवल । नेकपा एमाले रुपन्देहीको दशौं अधिवेशन आगामी जेठ १६

लुम्बिनी प्रादेशिक अस्पतालमा निसन्तान दम्पत्तिका लागि ‘आइयुआई’ सेवा सुरु

बुटवल । प्रसुती सेवालाई बिस्तार गर्दै लगेको लुम्बिनी प्रादेशिक अस्पताल

नेपाली राष्ट्रिय क्रिकेट टिमको बिदाई

काठमाडौं । भारतमा हुने बरोडा र गुजरातसँगको फ्रेन्डसिप सिरिज तथा