इटहरीका कोरोना संक्रमितको बीपी प्रतिष्ठान धरानमा मृत्यु

धरान । धरानमा थप एक कोरोना संक्रमित पुरुषको मृत्यु भएको छ ।

धरानस्थित बीपी कोइराला स्वास्थ्य विज्ञान प्रतिष्ठानमा उपचाररत ५६ वर्षीय कोरोना संक्रमित पुरुषको मृत्यु भएको हो ।

सुनसरीको इटहरी-६ का पुरुषको गएराति पौने १० बजे मृत्यु भएको प्रतिष्ठानका प्रवक्ता डा। निदेश सापकोटाले जानकारी दिए ।

उनी बिराट मेडिकल कलेज बिराटनगरबाट रिफर भएर प्रतिष्ठानमा आएका थिए । प्रतिष्ठानमा ल्याउँदा नै उनको अवस्था अत्यन्त गम्भीर रहेको थियो । उनलाइ राति ९ः३० भर्ना भएको र ९ः४५ बजे मृत्यु भएको प्रवक्ता सापकोटाले जानकारी दिए ।

उनमा असोज १४ गते नै बिराट मेडिकल कलेजमा कोरोना संक्रमण देखिएको थियो । उनमा ज्वरो, खोकी, श्वासप्रश्वासमा समस्या जस्ता लक्षण थियो ।

ती बिरामीमा पहिलेदेखि अन्य दीर्घ रोग नभएको पाइएको बीपी कोइराला स्वास्थ्य विज्ञान प्रतिष्ठानले जनाएको छ ।