कोरोना संक्रमणबाट बीपी प्रतिष्ठानमा थप एकको मृत्यु

धरान । कोरोना संक्रमणबाट बीपी प्रतिष्ठानमा थप एक जना पुरुषको मृत्यु भएको छ ।

बीपी कोइराला स्वास्थ्य विज्ञान प्रतिष्ठानको कोभिड अस्पतालमा उपचाररत थप एक कोरोना संक्रमितको मृत्यु भएको हो ।

प्रतिष्ठानका सहप्रवक्ता आशिष श्रेष्ठका अनुसार सुनसरीको धरान-३ का ६४ वर्षीय पुरुषको आज विहान ४ः२० मा मृत्यु भएको हो ।

डायबिटिज र टिबी रोगबाटसमेत पीडित रहेको ती पुरुषमा यही असोज १२ गते कोरोना संक्रमण पुष्टि भएको थियो । त्यसपछि उनलाई कोभिड अस्पतालमा भर्ना गरेर उपचार सुरु गरिएको थियो ।