नेपालगन्ज । बाँके जिल्लामा हालसम्म कोरोनाबाट संक्रमितको संख्या २ हजार १ सय ८६ पुग्दा कोरोना संक्रमणबाट निको हुनेको संख्या १ हजार ७ सय ९ पुगेको छ । बुधबार बाँकेका थप ३६ जना संक्रमित डिस्चार्ज भएसँगै निको हुनेको १ हजार ७ सय ९ पुगेको हो ।
बुधबार बाँकेका ११ महिला र २५ पुरुष गरी ३६ जना संक्रमितहरु आइसोलेसनको अवधि पुरा गरेर डिस्चार्ज भएको जिल्ला कोभिड(१९ संकट व्यवस्थापन केन्द्र बाँकेका फोकल पर्सन नरेश श्रेष्ठले बताए । उनिहरुलाई असोज ७ गते कोरोना संक्रमण देखिएपछि विभिन्न आइसोलेसनमा राखिएको थियो ।
बाँकेमा विभिन्न आइसोलेसन केन्द्रमा अन्य जिल्लाका १८ सहित ४ सय ७४ जना सक्रिय संक्रमित उपचाररत छन् । जिल्लामा २१ जना कोरोना संक्रमितको कारण मृत्यु भईसकेको छ ।
प्रतिक्रिया