रुपन्देहीमा आज पनि ३ अंकका दरले कोरोना संक्रमित थपिए

बुटवल । आज पनि रुपन्देहीमा ३ अंकका साथ कोरोना संक्रमित थपिएका छन् । स्वास्थ्य कार्यालय रुपन्देहीले दिएको जानकारी अनुसार जिल्लामा आज ११६ जना नयाँ कोरोना संक्रमित थपिएका छन् ।

रुपन्देहीमा थपिएका कोरोना संक्रमितमा बुटवल उपमहानगरको अग्रता बुधबार पनि कायम रहेको छ । बुटवलमा बुधबार ४० जना संक्रमित थपिएका छन् । बुधबार रुपन्देहीको तिलोत्तामा २७ जना, सिद्धार्थनगरमा २३ जना, देवदहमा १२ जना, सैनामैनामा ७ जना, सियारीमा ४ जना, सुद्धोधनमा २ जना तथा कोटहिमाईमा १ जना कोरोना संक्रमित थपिएका छन् ।

बुधबार थपिएसँगै रुपन्देहीमा कुल कोरोना संक्रमितको संख्या ४११२ जना पुगेको छ । जिल्लामा ४३ जना कोरोना संक्रमितको मृत्यु भईसकेको र २६५८ जना कोरोना मुक्त भएर घर फर्केका छन् ।